Vieiros

Tres meses despois de comezar, coa declaración de Altsasu, as bases da esquerda abertzale ilegalizada (Batasuna) remataron o seu debate interno a pasada fin de semana nas asembleas territoriais de Bizkaia, Araba, Gipuzkoa e Nafarroa, informan medios vascos.

Nestes conclaves ratificouse a resolución Zutik Euskal Herria, que reitera o seu "compromiso co uso de vías e medios exclusivamente políticos e democráticos" para o proceso democrático se desenvolver "en ausencia total de violencia e sen inxerencias". Ademais, avógase pola "acumulación de forzas".

"Na boa dirección"
Pouco despois de se facer pública o avance das conclusións, este luns, Eusko Alkartasuna sinalou que son un paso "na dirección correcta". Coincidiu Aralar, que afirmou: "ese é o camiño e a dirección" en que se debe desenvolver a política.


Máis información:

• Documento: Zutik Euskal Herria (.pdf / en castelán)

• Web oficial: ezkerabertzalea.info

• Gara: La izquierda abertzale llama a acumular fuerzas por medios exclusivamente políticos para abrir y desarrollar el proceso democrático
  

• Deia: La izquierda ilegalizada concluye su debate interno sin un desmarque expreso de ETA