Vieiros

Vieiros de meu Perfil


Edición xeral

RSS de Edición xeral
CAIXAS

O BNG acusa o Estado de querer deixar a Galiza sen poder financeiro

Asegura que se o goberno español presenta un recurso, sería político e non xurídico e exixe a Feijoo que acuda xa ao FROB.

Redacción - 18:05 29/01/2010
Tags:

“Que este venres se anuncie o probábel recurso de inconstitucionalidade non é ningunha casualidade”, adianta Carlos Aymerich. O portavoz parlamentario do BNG referiuse a que “este paso” se dea xusto despois de que Caja Madrid designase por unanimidade a Rodrigo Rato como presidente e insistiu en que “supón unha proba máis” da existencia “dun pacto entre PP e PSOE en Madrid, co interese común de repartirse Caixa Galicia e Caixanova”.

Na mesma liña, Aymerich denunciou que o goberno español está “decidido a deixar a Galiza sen poder financeiro” e instou ao presidente da Xunta, Alberto Núñez Feijoo, a recorrer xa ao Fondo de Reestruturación e Ordenación Bancaria (FROB) para demostrar que non está a tomar parte nesa suposta estratexia para repartirse as caixas.

Así, pediu ao presidente da Xunta que “pase das declaracións aos feitos”, ao tempo que cualificou como “político” e “inxustificado” o recurso que previsibelmente presente o goberno español contra a lei de caixas. Ao respecto da manifestación convocada en Vigo en contra da fusión, o portavoz nacionalista apuntou que “se quedaba algunha dúbida” despois de que o gobernador do Banco de España admitise que un SIP é “dificilmente reversíbel”, hoxe confírmase que o “único” que se vai pedir nesa protesta é que “interveña Madrid e leve consigo as caixas”.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: