Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Exhibición na Ronda da Muralla

O noso Alonso é de Lugo

Milleiros de lucenses apoiaron este domingo o piloto local de F2, Xosé Alonso Liste, que, con 19 anos, correrá en 2010 nesta categoría.

Redacción - 11:00 14/12/2009
Alonso e Palmer (clique para ampliar)

Alonso e Palmer (clique para ampliar)

Milleiros de lucenses (100 mil, segundo a Policía Local) desafiaron unha tarde xélida para seguir o primeiro 'road show' urbano de F2 e apoiar así o piloto local, Xosé Alonso Liste, que, con 19 anos, correrá en 2010 nesta categoría. A Ronda da Muralla converteuse nun improvisado circuíto urbano, polo que desfilaron coches antigos, motos de época e karts

Alonso e o ex piloto de F1 e patrón da F2, Jonathan Palmer, recibiron o apoio do público que seguiu o evento desde ambas as dúas marxes da rúa e desde o adarve do monumento. Este último declarou que a experiencia e o propio circuíto resultaron "espectaculares", o mesmo que o "masivo" seguimento que tivo o evento.

O piloto local deu varias voltas ao circuíto e deleitou o público con varias piruetas e algúns 'ceros' que foron respondidos con grandes ovacións. Alonso aspira a chegar a todo o máis alto da competición.

Subidos nun Rolls-Royce convertíbel, Palmer e o lucense deron unha última volta para se despediren do público, aínda que despois o piloto se desprazou até unha carpa nas inmediacións onde atendeu a multitude de afeccionados.


4.14/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: