Vieiros

Vieiros de meu Perfil


Edición xeral

RSS de Edición xeral
Asemblea constituínte

MáisBNG elixe a Carlos Aymerich como o seu líder co 97% dos votos

O novo coordinador xeral afirmou que traballará polo pluralismo, o liderado social do nacionalismo e o europeísmo, pero non como a actual UE.

Redacción - 10:34 22/11/2009
Carlos Aymerich

Carlos Aymerich

Carlos Aymerich quedou confirmado como líder de MáisBNG, que se constituíu este sábado en Compostela, con máis do 97% dos votos. Aymerich incidiu na idea de que a corrente "quere ser o novo impulso que a casa de todos precisa" e de que "non imos contra ninguén", senón que "traballamos por respectar o pluralismo" fundacional do BNG.

A candidatura liderada por Aymerich foi a única que se presentou á asemblea constituínte. A política que levará adiante MáisBNG estará baseada no principio de "alargar a adhesión social a un proxecto nacional para Galiza" e a "aspirar a que a maioría da cidadanía" do país apoie o proxecto nacionalista.

A defensa da lingua como "instrumento útil" e recuperación do ideario do Partido Galeguista e da Xeración Nós para concibir "Galiza como célula de universalidade que ten Europa como primeiro chanzo" son outras das ideas básicas da corrente que se acaba de constituír. Porén, Carlos Aymerich precisou que a súa visión de Europa "está moi lonxe do actual proxecto da UE".

MáisBNG expresou a súa confianza en que o BNG se converta nunha organización de masas, "na casa común de nacionalistas e galeguistas". A Coordinadora Nacional de MáisBNG ten os seguintes integrantes:

  1. Carlos Aymerich
  2. Teresa Táboas
  3. Luís Barcia
  4. Ana Luísa Bouza
  5. Manuel Antelo
  6. María Méndez
  7. Xoán Bascuas
  8. Gonzalo Constenla
  9. Dores Torrado
  10. Iago tabarés
  11. Suso Veiga
  12. Neves Cando
  13. Xosé Chorén
  14. Sandra González
  15. Edelmiro López
  16. Manolo González
  17. Isabel Sánchez
  18. Xosé Jardón
  19. Xulia Guntín
  20. Fran Verea
  21. Sandra Arauxo
  22. Antón Tenreiro
Suplentes:
  1. Saúl Santín
  2. Nine Paz
  3. Xabier Freire
  4. Xabier Paz
  5. Rosendo Covelo
  6. Jessica Fernández



4.2/5 (20 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: