Vieiros

Vieiros de meu Perfil


Fwwwrando

RSS de Fwwwrando
Tratado de Lisboa

O Partido Pirata contará cunha deputada máis en Estrasburgo

Amelia Anderdotter, de 22 anos, converterase o 1 de decembro na eurodeputada máis nova, despois de plantar os estudos.

Redacción - 18:11 05/11/2009
Amelia Anderdotter

Amelia Anderdotter

O Partido Pirata sueco contará cun segundo asento no Parlamento Europeo, grazas á entrada en vigor do Tratado de Lisboa, ratificado xa polo presidente da República Checa. A formación, que acadara o 7% do total dos votos no país escandinavo, sairá beneficiada, deste xeito, por un tratado ao que se opoñía.

A nova parlamentaria será Amelia Andersdotter, que acompañará a Christian Engström no Europarlamento. Converterase, ademais, na deputada de menor idade da cámara, con 22 anos. Para dedicarse por completo á política, Andersdotter abandonará os estudos de Económicas e Español na Universidade de Lund.

Amelia contoulle ao blog TorrentFreak que loitará por unha lexislación de dereitos de autor máis xusta e máis sensata, ademais de dedicarse a políticas educativas e a prol dunha economía do coñecemento en Europa: "O Parlamento precisa ir cara a unha economía de coñecemento sustentábel, e aí é onde entro eu en xogo".

Andersdotter ocupará o seu escano o 1 de decembro. Tanto ela como Engström terán moito traballo, debido á cada vez meirande influencia dos grupos de presión a favor do copyright.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: