Vieiros

Vieiros de meu Perfil


Edición xeral

RSS de Edición xeral
Supersticións e violencia

Cinco mulleres torturadas no nordeste da India, acusadas de bruxaría

Unha turba de aldeáns obrigounas a desfilar espidas en público, e a dúas a comer excrementos, por "practicar maxia negra".

Redacción - 17:00 19/10/2009

Unha turba de aldeáns espiu e obrigou a desfilar núas cinco mulleres acusadas de "practicar maxia negra", segundo informou a Policía. O suceso ocorreu este domingo na vila de Patharghatia, no estado de Jharkhand (nordeste da India). As mulleres foron espidas, e dúas delas foron ademais obrigadas a comer excrementos, segundo a fonte, citada pola axencia india IANS.

"Foron torturadas para que aceptasen a súa condición de bruxas e de practicantes da maxia negra. O suceso tivo lugar baixo instrución dun doutor de bruxaría, que dixo que as mulleres estaban causando problemas na vila", asegurou un axente.

Un grupo de policías e representantes do goberno desprazouse ao lugar dos feitos e logrou rescatar as mulleres, tres delas viúvas, mais os autores do ataque lograron fuxir aínda que centos de testemuñas presenciaron o desfile. "Rexistramos unha denuncia contra 11 persoas, entre estas seis mulleres. Arrestaremos pronto os responsábeis", engadiu o oficial de Policía.

Jharkhand é unha das rexións máis atrasadas da India e nas áreas rurais son frecuentes as acusacións de bruxaría, que desembocan non só en desfiles públicos, senón tamén en asasinatos. Con todo, os 'doutores de bruxaría' conseguen eludir a Xustiza, porque as testemuñas dos feitos temen ser obxecto de maxia negra de proporcionaren os seus datos á Policía.

Na India, espir e facer desfilar núas as mulleres para as "castigar" vén de vello. No blog India Time recompilan algunhas noticias relacionadas con estes abusos e humillacións.


5/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: