Vieiros

Brasil fai historia. Por vez primeira, un país da lusofonía será a capital mundial do deporte. A nación máis emerxente de América consegue tamén marcar un fito ao estrear un olimpiada no sur do continente. Durante a tarde foron caendo as cidades candidatas. Primeiro Chicago, logo Tokio e finalmente Madrid. A festa estoupaba por terras brasileiras, especialmente no seu principal ventrículo: Río de Janeiro.

O presidente brasileiro, Lula da Silva, mostraba a súa ledicia pola proclamación e reiteraba que, sen dúbida, a elección de Río significa un inmellorábel escaparate para Brasil. A conta atrás xa deu comezo e quedan menos de sete anos para que resoen as trompetas olímpicas.

• O Globo (Brasil): Río de Janeiro vence e será a sede das Olimpíadas de 2016
• Jornal de Noticias (Portugal): Brasil eufórico com os Jogos Olímpicos de 2016
• Público (Portugal): Río de Janeiro organiza Jogos de 2016
• New York Times (USA): Rio Wins Bid for 2016 Olympic Games
• Le Monde (Francia): Les JO auront lieu à Rio