Vieiros

Vieiros de meu Perfil


Edición xeral

RSS de Edición xeral
Decisión xudicial

Economía considera que o TSXG lle dá a razón ao suspender o concurso eólico

A consellaría dirixida por Javier Guerra optará por desenvolver unha nova lei conforme aos "preceptos legais" e sen "participación pública".

Redacción - 13:52 02/10/2009

A Consellaría de Economía e Industria considera que a decisión do TSXG de suspender a execución do concurso eólico "vén confirmar a súa postura" en canto á "ilegalidade da tramitación" desenvolvida durante o goberno bipartito.

Segundo explica nunha nota de prensa, o plan eólico do departamento que dirixiu Fernando Blanco "xa no seu día foi denunciado por numerosos sectores da sociedade galega". A resolución xudicial, deste xeito, "ampara aínda máìs se cabe" a decisión da consellaría de paralizar a tramitación do concurso, "hoxe deixado sen efecto polos tribunais". Considera "aínda máis rotundo" o feito de que o TSXG non lle exixa fianzas á parte demandante.

A Xunta está a tramitar a redacción dunha nova lei eólica que se "adecúe aos preceptos legais" e que estabelecerá, como xa se anunciara, un canon, para que as novas instalacións "redunden nun beneficio directo para a sociedade galega, protexa o medio ambiente e garanta a seguridade xurídica do sector". Así mesmo, o modelo da consellaría de Javier Guerra estabelece o rexeitamento a "calquera tipo de participación pública". O fondo de compensación constituído polo canon terá como finalidade "compatibilizar o desenvolvemento eólico con actuacións de compensación do contorno".


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: