Vieiros

En tempos de crise, os políticos locais non son os que dan máis exemplo. Un dos moitos exemplos acaba de darse no municipio de Cervo. O goberno local, dirixido polo conservador Afonso Vilares, redistribuiu as dedicacións absolutas e parciais que suman un total de 102 mil euros. Nestes gastos dos concelleiros non se inclúen as dietas.

O BNG desta localidade fixo pública esta sábado unha nota na que considera que o gasto en salarios políticos está moi por riba dun Concello “endebedado” e que non chega aos cinco mil habitantes. Por se isto fose pouco, a oposición denuncia que as xustificacións das catro dedicacións parciais “son opacas e moi difíciles de controlar”. Segundo sosteñen, o propio interventor municipal ten manifestado a necesidade dun maior control plenario sobre estes gastos.