Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Medalla tamén en pentatlón

Os equipos galegos dominan o triatlón masculino no Estado

O Cidade de Lugo-Fluvial remata primeiro o Campionato de España, e o Bricosa Santiago fai o mesmo en sub-23.

Redacción - 14:15 21/09/2009
Cristóbal Rodríguez, bronce no relevo mixto do campionato de Europa de pentatlón

Cristóbal Rodríguez, bronce no relevo mixto do campionato de Europa de pentatlón

A vitoria de Xabier Gómez Noya esta fin de semana en Cangas non só lle serviu para proclamarse como campión de España de triatlón, senón que lle deu ao seu club, o Cidade de Lugo-Fluvial, a vitoria por equipos. Xunto ao corredor ferrolán, puntuaron para o equipo os tempos de Jesús Gomar (18º) e Manuel Piñeiro (26ª). As súas actuacións valéronlle ao club lucense para impoñerse ao Triatlón Vilanova e ao Aquaslava. Outro club galego, o Bricosa Santiago, rematou en sexta posición.

Na categoría masculina sub-23 a vitoria por equipos foi para o Bricosa Santiago, grazas ás actuacións de Antón Ruanova (que foi subcampión sub-23), Brais Canosa e Rubén Bouza. Nesta categoría, o Cidade de Lugo-Fluvial acabou en terceira posición por equipos.

En categoria feminina, o Cidade de Lugo-Fluvial acabaron o Campionato de España en segunda posición, cos tempos de Ricarda Lisk (2ª), Laura Díaz (8ª) e Estefanía Domínguez (9ª), por detrás do Canal de Isabel II.

Con estes resultados, o Fluvial de Lugo situouse no primeiro posto do ranking de clubs, por diante do C. N. Reus. O equipo galego recupera a cabeza da clasificación de clubs perdida o ano pasado logo de cinco tempadas nesa primeira posición.

Éxito no pentatlón
Os éxitos dos triatletas galegos únense á medalla conseguida polo atleta de Viveiro Cristóbal Rodríguez nos campionatos de Europa xuvenís de pentatlón moderno, que se celebraron do 9 ao 13 de setembro en Antalya, Turquía. Rodríguez e a catalá Nuria Echevarría conseguiron o bronce na proba mixta de relevos, á vez que batían o record estatal desta proba.


5/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: