Vieiros

Vieiros de meu Perfil


Edición xeral

RSS de Edición xeral
De cara ás municipais de 2011

O PPdeG refórzase na Estrada coas fichaxes de dous ex edís de Cidega

Louzán confirma que "negocia" para que "en breve" se repitan estes movementos noutros municipios da provincia de Pontevedra.

Redacción - 18:45 10/09/2009
Casa do Concello

Casa do Concello

O PP do Concello da Estrada incorporará ás súas filas dous ex concelleiros da formación Cidadáns de Galicia (Cidega), Xosé Manuel Reboredo e Xoán Torres, que agora forman parte do grupo de non adscritos no Concello, co fin de que o edil e deputado autonómico Xosé Carlos López Carro acceda á Alcaldía nas próximas eleccións, en 2011.

"Volven á casa de onde nunca tiveron que marchar", afirmou o presidente do PP local, Juan Constenla. O presidente provincial, Rafael Louzán, desvelou que existen "negociacións" noutros concellos e certificou que "en breve" esta estratexia se repetirá. O movemento foi avalado pola cúpula do partido a nivel nacional, coa presenza do seu secretario xeral, Afonso Rueda.

Ao respecto, este sinalou que a incorporación dos dous edís permitirá "consolidar aínda máis" o proxecto do partido na Estrada para que López Carro "sexa alcalde". "Poñemos o noso empeño e traballaremos por iso", aseverou Rueda, que contrastou a "filosofía de unión" dos populares coa de desencontro de PSdeG e BNG, que gobernan coaligados neste municipio.

Sucesión de Baltar

Por outra banda, Afonso Rueda asegurou que o partido "facilitará que calquera que queira presentarse" como candidato aos congresos provinciais "o poida facer". Preguntado polo caso de Xosé Luís Baltar, o dirixente incidiu en que os congresos son "democráticos e libres". "Todos os que o desexan poden ser candidatos e todos teñen dereito a presentarse, sen pelexas", dixo.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: