Vieiros

Vieiros de meu Perfil


Edición xeral

RSS de Edición xeral
Xoán García Fuentes, do PSdeG

O alcalde de Negreira presenta a súa renuncia ao cargo por "motivos persoais"

Nos próximos nove días haberá un pleno de votación do novo rexedor, similar ao da investidura, onde cada grupo propórá o seu candidato.

Redacción - 09:35 08/09/2009
García Fuentes

García Fuentes

O alcalde do Concello de Negreira, Xoán García Fuentes (PSdeG), presentou este luns a súa renuncia ao cargo por "motivos persoais" a causa dunha enfermidade dun familiar.

Ante esta situación, estaba prevista unha reunión tanto do grupo municipal como da agrupación local do partido, co fin de definir quen exercerá como voceiro e quen será o candidato no pleno de votación.

Ademais, debido á dimisión do rexedor, convocouse para este martes un pleno extraordinario en que se dará conta da súa renuncia e, logo deste formalismo, solicitarase a credencial da seguinte na lista socialista.

En todo caso, nos próximos nove días haberá un pleno de votación do novo alcalde, similar ao da investidura, onde cada grupo propórá o seu candidato e, tras ser votado, accederá oficialmente ao cargo.


1/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: