Hockey de alto nivel á espera da OK Liga
Oliveirense e Coinasa Liceo son os convidados ao triangular organizado polo Patín Cerceda, que se estrea na división de honra.
Presentación do torneo, este xoves
O Coinasa Liceo da Coruña e o Oliveirense de Azeméis (Portugal) inauguran este venres o I Torneo Vila de Cerceda. Será a partir das 19 horas no Pavillón Municipal da localidade, que esta tempada verá o seu equipo xogar na máxima categoría do hockey estatal, a OK Liga.
Non será até o sábado que o Patín Cerceda entre en liza. Ao mediodía medirase co Liceo e ás 18 horas, coa União Desportiva Oliveirense no que será o derradeiro partido dun triangular que promete xogo de alto nivel, á espera de que o 26 de setembro dea comezo o campionato ligueiro.
O alcalde de Cerceda, Xosé García Liñares, sinalou na presentación do torneo, esta quinta feira, que este "nace co obxectivo de ser referente no hockey galego".O rexedor municipal estivo acompañado polos presidente do Liceo, Eduardo Lama, e pola presidenta e vicepresidente do Patín, Isabel Bermúdez e Xosé Antonio Fraga.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto