Vieiros

Os pactos entre socialistas e nacionalistas van sufrir moito nos vindeiros 21 meses. Isto é polo menos o que augura o PPdeG nun comunicado que fixo chegar este domingo aos medios de comunicación. Segundo os conservadores a última crise vivida en Portomarín é un exemplo que se suma a outras “rupturas” anteriores nos “bigobernos de Noia, Vilariño de Conso, Gondomar e Fene”. Os 'populares' buscan a orixe destas crises no resultado dos comicios autonómicos.

O comunicado chegue poucos días antes de que o PPdeG dea por iniciado oficialmente o novo curso político. Alberto Núñez Feijoo e o presidente do PP español, Mariano Rajoy, darán o pistoletazo de saída o vindeiro sábado en Soutomaior. Os conservadores teñen como obxectivo primordial a medio prazo recuperar o terreo perdido nos gobernos locais, especialmente nas cidades e nalgunhas cabezas de comarca.