Vieiros

Dous dos principais xornais dos EUA, o 'The Washington Post' e o 'The New York Times', publicaron esta fin de semana novos casos de prisioneiros torturados pola CIA. Segundo as informacións, que están a ter unha importante repercusión mundial, axentes da central de intelixencia emplearon unha pistola para simular unha execución no interrogatorio  de Abd al Rahim al Nashiri, que estaba acusado de ser o suposto cerebro dun atentado que lle custou a vida a 17 soldados norteamericanos no Iemen en 1999.

Al Nashiri, que foi detido a finais de 2002, estivo preso nunha cadea segreda da CIA durante catro anos e foi vítima do chamado “waterbording” (unha tortura na que se simula que se vai afogar ao prisioneiro). Nos mesmos interrogatorios os axentes empregaron un taladro para atemorizar ao detido.

Agora, un tribunal federal ordeou a publicación dunha versión censurada do informe segredo, logo dunha demanda da Unión Americana polas Liberdade Civñis, unha organización que denunciou sistematicamente as torturas durante o mandato Bush.

• The New York Times: Report provides new details on CIA prisioner abuse

• The Washinton Post: CIA officer disciplined for alleged gun use in interrogation