Vieiros

Vieiros de meu Perfil


Edición xeral

RSS de Edición xeral
Censura

O alto prezo de falar de sexo en Arabia Saudí

O goberno pechou unha canle de televisión logo da emisión dun programa no que un cidadán falaba das súas experiencias sexuais.

Redacción - 13:00 10/08/2009
As les saudís prohiben a difusión de todo tipo de contidos sexuais

As les saudís prohiben a difusión de todo tipo de contidos sexuais

Todo comezou cando Mazen Abdul-Jawad, un home divorciado de 32 anos e con catro fillos, xa alcumado como o sedutor saudí, apareceu na canle de televisión LBC ofrecendo consellos para que as parellas mellorasen a súa vida sexual. As consecuencias foron inmediatas: as autoridades de Arabia Saudí pecharon a canle televisiva logo da emisión do programa e, ademais, tanto o protagonista como os que participaron na elaboración da reportaxe foron detidos.

En concreto, o espazo emitido pola canle libanesa ofreceu a imaxe de Jawad, conducindo até ao seu cuarto ás cámaras de televisión. Alí, o condutor do programa preséntao como "un home que entende das mulleres" e el explica como perdeu a virxindade, ofrece información sobre xoguetes eróticos ou fala cun grupo de amigos sobre as súas preferencias na cama.

Segundo as autoridades do país, en ningún momento pediron os permisos necesarios para a emisión deste documental. O protagonista desta historia está agora acusado de atentar contra a moralidade e difundir o vicio e pode mesmo chegar a ser condenado a pena de morte xa que a difusión de contidos sexuais está totalmente prohibida no país.


1/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: