Vieiros

Vieiros de meu Perfil


Fwwwrando

RSS de Fwwwrando
Mercado TIC

Unha empresa galega de aloxamento web presenta a súa "tarifa plana"

RedCoruna, con base en Lugo, pretende contrarrestar as ofertas de compañías estadounidenses e europeas, até agora máis económicas.

Redacción - 17:30 21/07/2009

Para evitar que as webs do país sigan contratando aloxamento nos Estados Unidos ou no norte de Europa, a empresa galega RedCoruna, con sede en Lugo, anunciou o lanzamento da súa "Tarifa plana", primeira do seu tipo no Estado Español.

Segundo informa a compañía, van ofrecer un espazo en disco e transferencia ilimitados. Ademais, ao estaren os seus servidores localizados no país, a súa clientela poderá acadar un mellor posicionamento nos principais buscadores, ao contar con enderezos IP pertencentes á súa área de mercado.

A empresa leva traballando na web dende o ano 2003 e conta con máis de 20 mil clientes activos. Espera obter unha grande acollida co novo servizo, que inclúe, de regalo, un dominio .es, un cupón de Google Adwords para nova clientela, e mesmo unha viaxe ao Caribe para as persoas que se inscriban no "programa Amigo", que ten como obxectivo espallar a viralidade da oferta.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: