Vieiros

Vieiros de meu Perfil


Edición xeral

RSS de Edición xeral
Dous meses da derrota dos Tigres

Milleiros de tamiles permanecen encerrados en campos de Sri Lanka

As autoridades xustifican a situación argumentando que entre os detidos podería haber dirixentes da guerrilla independentista.

Redacción - 12:00 13/07/2009

Uns 300 mil cidadáns tamil permanecen privados de liberdade por parte das forzas de Sri Lanka, dous meses despois de que o Exército cingalés deu por derrotada a guerrilla independentista dos Tigres Tamil (LTTE).

As organizacións de defensa dos dereitos humanos Human Rights Watch (HRW) e Amnistía Internacional (AI) levan denunciando a situación dende hai semanas. Consideran que o Goberno de Sri Lanka foi detendo "virtualmente todos os desprazados polos combates" durante un ano.

O feito de que as autoridades traten todo o mundo "coma se fosen loitadores do LTTE", foi cualificado por HRW de "vergoña nacional". Os desprazados "teñen dereito á liberdade, exactamente igual ca o resto de cidadáns de Sri Lanka", declarou a entidade.

A lexislación internacional prohibe as detencións arbitrarias e sistemáticas. Ademais, o Exército está a pór numerosos atrancos ao traballo das organizacións humanitarias e dos medios de comunicación. O xornal estadounidense The New York Times accedeu recentemente a un destes campos de concentración.


1/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: