Vieiros

Vieiros de meu Perfil


Edición xeral

RSS de Edición xeral
Polémico cartel

A Universidade de Boloña promociónase con catro modelos femininas

As "catro fantásticas" reflicten o modelo de azafatas televisivas italianas e representan os catro campus da sobranceira institución académica.

Redacción - 09:45 12/07/2009

Non se sabe se é pola influencia de Berlusconi ou, simplemente, porque Italia é así, pero resulta bastante chocante ver como se está a promocionar a Universidade de Boloña, unha das máis prestixiosas do mundo. Segundo informa Público, a institución académica onde imparten clases Umberto Eco ou Romano Prodi anúnciase mediante unha revisión dunha banda deseñada da Marvel pasada pola peneira velina, as omnipresentes azafatas da televisión italiana.

O centro de ensino superior personifica en catro rapazas, dúas louras e dúas morenas, os catro campus da universidade: Cesena, Forlì, Ravenna e Rimini. As mozas, enfundadas en monos de licra de cor branca e con braguiñas negras, preséntanse como 'Le fantastiche 4' (as catro fantásticas). As superheroínas preséntanse como "o máximo para os teus estudos universitarios", obviando outros aspectos como a súa tradición ou a calidade educativa, ou que teña a súa sede na cidade que lle deu nome ao Plan Boloña.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: