Vieiros

Vieiros de meu Perfil


Edición xeral

RSS de Edición xeral
tras o golpe de estado do domingo

O Congreso de Honduras suspende garantías constitucionais durante o toque de queda

De 22h00 a 6h00 está prohibido o dereito a reunión e asociación, a circulación e manifestación, e os cidadáns deben abrirlles as súas portas ás autoridades.

Redacción - 09:00 02/07/2009

O congreso hondureño aprobou o mércores o estado de urxencia, mediante o cal anúlanse indefinidamente cinco garantías constitucionais, xusto no medio dunha crise interna e internacional tras o derrocamento do presidente Manuel Zelaya no golpe de estado do pasado domingo.

Coa suspensión dos artigos 71, 78, 79, 80 e 81 da Constitución, os parlamentarios prohibiron o dereito a reunión e asociación, a circulación e manifestación cidadá. Ademais, as autoridades teñen un cheque en branco para acceder a calquera lugar sen necesidade dunha orde xudicial mentres dure o toque de queda establecido até o sábado de 22h00 a 6h00, hora local.

O deputado Rolando Dubón, do Partido Liberal, manifestou que se tomou esta decisión ante a sospeita de que hai moitas persoas doutros países en Honduras que poderían estar tentado atentar contra a cidadanía e o novo goberno, segundo informaron medios locais.

Horas despois de que a Organización de Estados Americanos (OEA) dese un prazo de 72 horas ao Goberno "de facto" para restaurar a orde democrática no país, o executivo que dirixe, dende hai pouco máis de 72 horas Roberto Micheletti, advertiu que non admitirá intervencións externas, a pesar de que recibirá unha delegación do organismo interamericano para explicarlle a situación que se vive no país caribeño.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: