Vieiros

Os seguidores de Mir Hossein Mousavi convocaron unha folga xeral para esta terza feira, máis dunha semana despois de que comezasen as mobilizacións denunciando a fraude electoral que lle deu a vitoria nas eleccións presidenciais do Irán a Mahmoud Ahmadinejad. Na segunda feira, un milleiros e manifestantes concentráronse na capital do país, Teherán, pese á prohibición por parte do goberno.

Algunhas fontes indican que houbo duros enfrontamentos coa policía, pero, como que os medios internacionais non poden seguir as manifestacións, non resulta doado contrastar a información que chega dende Oriente Medio.Segundo algúns medios, nesta nova manifestación as rúas de Teherán volveron ser escenario de enfrontamentos entre os manifestantes e a policía, despois de que a Garda Revolucionaria advertise que non podía intervir para parar as protestas. No mesmo día, o Consello de Gardiáns da Revolución viña de admitir que os votos emitidos en medio cento de cidades de todo o país (uns tres millóns), superaban o número de persoas censadas con dereito a sufraxio.

Porén, na madrugada da segunda para a terza feira (hora galega), e a pesar de ter recoñecido a existencia de fraude, o Consello -a única autoridade con potestade para sancionar os comicios no Irán-, botou por baixo a posibilidade de anular as eleccións presidenciais do pasado 13 de xuño, alegando que as irregularidades detectadas "non son graves", segundo informou a televisión estatal Press TV.

Para ampliar información:

• Tehran Bureau (vía Twitter): Iran updates
• Medios Iranianos: Press TV | Teheran Times | Iran Daily
• Axencias: IRNA | ISNA