Vieiros

Gran fin de de semana de traíñas en Ares, onde o Club Náutico de Vigo volveu impedir a Cabo de Cruz acadar a súa primeira vitoria da tempada na Liga Galega de Traíñas. Así, os vigueses impuxéronse na terceira e derradeira quenda cun espectacular final e avantaxando en menos dun segundo aos de Boiro. Por detrás chegaban os campións da primeira regata, o Chapela, que rematou en cuarta posición na xeral superados polo Amegrove.

Precisamente este club venceu con autoridade a primeira das regatas, e o excelente tempo acadado serviulle para colocarse terceiros na xeral. Na segunda das regatas a vitoria foi para os do Puebla, que entraron cunha vantaxe inferior aos cinco segundos sobre os locais de Ares. Despois desta proba os boirenses de Cabo de Cruz soben até o primeiro lugar da clasificación xeral con 26 puntos, sumados por mor da súa regularidade ao quedar segundos nas dúas regatas. Por detrás fican empatados Chapela e o Náutico de Vigo a só un punto.

A vindeira cita coa Liga Galega de Traíñas téñena os afeccionados a esta competición en Cangas, o 4 de xullo.