Vieiros

O viceministro de Fomento para la Economía Cultural do Ministerio del Poder Popular para la Cultura Jorge López Piñeiro,, informou en torno aos acordos que se chegaron nas mesas técnicas, sinalando que son cinco grandes proxectos que se reflicten en 54 accións relacionados coa produción, distribución de bens culturais, consolidación de redes alternativas de produtores culturais, entre outras ramas.

Luís Esteban Gallegos, representante de Ecuador, puntualizou sobre os proxectos que se irán implementando durante este ano e o próximo, expresando que se enfocarán en temas literarios, editoriais, presentación de actividades socio-culturais, ademais de temas relacionados co bicentenario da independencia, ademais dos foros rexionais explicativos de organizacións Unión de Naciones Suramericanas (Unasur), Mercado Común do Sul (Mercosul) e outros organismos multilaterais.

Mentres que Pedro Monzón, representante de Cuba, apuntou que a súa tarefa fundamental será afianzar as novas tecnoloxías e a comunicación entre os países da rexión como ferramenta de integración.

O proxecto Gran Nacional ALBA Cultural abarca cinco importantes programas orientados á produción, distribución de bens e servizos culturais, consolidando os valores culturais de América Latina.