Vieiros

A voceira en materia de Xustiza do PSOE, Beatriz Sestayo, acusou este mércores o presidente da Xunta, Alberto Núñez Feijoo, de defender "o incumprimento da Lei e das normas". Valorou asía a deptuada ferrolá as que cualificou de "sorpresivas declaracións" de Feijoo respecto da apertura de dilixencias xudiciais a Agustín Hernández. Lamenta a representante socialista que o mandatario "destroce" o seu "famoso código ético" en cuestión de días.

Ao fío, preguntoulle Sestayo a Feijoo se isto quere dicir que avala o proceder de Hernández, ao awsegurar que el mesmo comprobara que a súa actuación non xerou menoscabo na facenda pública e pregúntalle se "incita a todos os responsábeis políticos e públicos a que certifiquen en falso", tal e como se lle acusa a Hernández. Engade Sestayo a cuestión para Feijoo ao respecto de si vai impulsar algunha reforma lexislativa "para que o poidan facer". "Este privilexio queda reservado aos amigos de Feijoo ou a partires de agora os cidadáns poderán incumprir a Lei de Subvencións e presentar certificacións falsas?", pregunta a deputada do PSdeG-PSOE.