Vieiros

Vieiros de meu Perfil


Edición xeral

RSS de Edición xeral
Encontro en Washington

Obama volve defender a creación dun Estado palestino e a fin da expansión dos asentamentos israelís

O presidente estadounidense dixo que confía en que Israel recoñeza esta solución, durante a súa primeira xuntanza co presidente da Autoridade Palestina, Mahmud Abbas.

Redacción - 08:00 29/05/2009

O Presidente dos EUA, Barack Obama volveu defender esta quinta feira a creación dun Estado palestino. Ao terminar o seu primeiro encontro co presidente da Autoridade Nacional Palestina, Mahmud Abbas, o líder estadounidense repetiu máis unha vez o seu apelo a Israel, para que poña fin á construción de novos asentamentos de colonos, erguidos nos territorios palestinos, e cumpra os compromisos que asumiu.

As dúas partes, afirmou Obama na Casa Branca, teñen "obrigas de cara á folla de ruta a seguir" -o plan internacional de 2003 para a resolución do conflito. Nestas inclúese "deter a colonización". Durante o xuntanza co novo primeiro ministro israelí, Benjamin Netanyahu, a semana pasada, "fun moi claro en canto á necesidade de terminar cos asentamentos de colonos ", esclareceu Obama.

"Son un grande crente na solución dos dous estados"
Os palestinos deben poñerse a facer progresos na melloría das súas forzas de seguridade e na redución do "incitamento" anti-Israel, defendeu o presidente dos EUA, sinalando, ao tempo, que el é "un gran crente da solución de dous estados". Obama amosouse, todo o tempo que durou a xuntanza e a posteriori, "confiado" na posibilidade de que se fagan progresos de cara a conseguir a paz entre israelís e palestinos.

Polo seu lado, e nas curtas declaracións que fixo ante os medios de comunicación, após o encontro, Mahmoud Abbas subliñou a urxencia de que todos este progresos dos que falaba Obama se dean, declarando que "o tempo é un factor esencial" neste proceso.

Un máis que repetido apelo á descolonización

O apelo á fin da colonización en Cisxordania e en Xerusalén Oriental xa fora feita na véspera pola secretaria de Estado dos EUA, Hillary Clinton (vídeo).

Ademais, na quinta, e xusto antes de comezar a reunión entre Abbas e Obama en Washington, Israel reaxira a través do voceiro do goberno, Mark Regev, quen explicaba que o futuro das colonias só será decidido a través das negociacións cos palestinos. "Entre tanto, temos de permitir que a vida continúe normalmente nestas comunidades", diso Regev. Isto significaría que, aínda que non se sigan a construír novas colonias, a expansión das xa instaladas podería continuar durante décadas.

A noticia noutros medios de comunicación:


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: