Vieiros

Vieiros de meu Perfil


Edición xeral

RSS de Edición xeral
Incerto futuro desta ferramenta

"Sovietización ou instrumento útil?", urxe o BNG á Xunta a aclararse co Banco de Terras

"Pódenche quitar as terras", alarmaban pasquíns repartidos polo PP na campaña electoral. Xa no Goberno, os populares fan contraditorias declaracións.

Redacción - 18:50 28/05/2009

"Xa escoitamos de todo, que é un instrumento útil e o contrario, cuestionando aspectos por ser excesivamente intervencionista", reprochoulle este xoves Tereixa Paz, deputada do BNG, á Consellaría de Medio Rural, ao respecto do Banco de Terras (Bantegal). A deputada nacionalista instou a Xunta a deixar "o baile da yenka" e aclarar as liñas de actuación ao respecto deste instrumento creado polo anterior executivo.

Recordou Tereixa Paz a posición belixerante do PPdeG fronte ao Bantegal durante a súa tramitación, e censurou "os panfletos" nos que o contorno dos populares acusara de "sovietización" a iniciativa ao tempo que espallaba "ameazas de expropiación das terras" entre veciños de diversos concellos do país.

En comisión parlamentaria, a deputada do Bloque defendeu o modelo deseñado polo anterior equipo da Consellaría de Medio Rural, pilotada polo nacionalista Alfredo Suárez Canal. Entre outros, salientou Paz a interese da FAO polo proxecto e a intención deste organismo da ONU de exportar a iniciativa a varios lugares "como exemplo pioneiro e eficaz de aproveitamento de terras improdutivas". A voceira do BNG pediulle así ao PPdeG que "abandone a actitude pouco construtiva de deostar todo o traballo feito polo goberno anterior". Na opinión da deputada ourensá, a Xunta debe seguir apostando por dar a coñecer entre a poboación o Bantegal aproveitándoo como "instrumento vital para lograr frear o abandono do territorio e para mellorar a competitividade das explotacións".


4,38/5 (13 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: