Vieiros

Vieiros de meu Perfil


Edición xeral

RSS de Edición xeral
No xulgado de Pontevedra

O PSdeG presentou a querela contra Agustín Hernández pola certificación irregular dunha obra

A lea pola certificación e pago dunha obra que a día de hoxe está sen rematar, chega á fin aos tribunais.

Redacción - 17:40 27/05/2009

"Se damos por bo este proceder acabouse o procedemento administrativo, vale todo e convertémonos nunha república bananeira", laiouse este mércores Modesto Pose, secretario provincial do PSdeG, afirmando esperar que os tribunais "lle poñan couto a estas prácticas".

Anunciaban así os socialistas a presentación nos xulgados de Pontevedra dunha querela, anunciada xa a semana pasada, contra o actual conselleiro de Medio Ambiente, Territorio e Infraestruturas, Agustín Hernández. A querela está relacionada coa actividade de Hernández cando era director de Infraestruturas na Deputación de Pontevedra. De xeito concreto, e tal e como lles temos contado, a polémica xorde pola recepción, certificación e pagamento da obra da variante de Salvaterra no seu tramo de Lira, que aínda a día de hoxe está sen rematar.

Critica Pose que o conselleiro conte co apoio neste asunto da dirección do PPdeG e quéixase de que o líder do partido e presidente da Xunta, Alberto Núñez Feijoo, "considera normal pagar unha obra sen que estea realizada".


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: