Vieiros

O Congreso do PSdeG aprobou a nova Comisión Executiva Nacional proposta polo novo secretario xeral, Manuel 'Pachi' Vázquez, que só mantén os ex conselleiros Ricardo Varela e Carmen Gallego e que afasta da dirección a todos os cadros próximos ao chamado “touriñismo” ( Dolores Villarino, Teresa Facal, María José Caride, Carlos Pajares, Francisco Cerviño, Ismael Rego ou Abel Losada )

Tal e como xa se sabía, no máximo órgano de dirección estarán canda Vázquez Mar Barcón como secretaria de Coordinación, Acción Electoral e Política Municipal, e Pablo García, como novo secretario de Administración e Organización. Canda os tres máximos dirixentes do novo PSdeG hebará outros sete "pesos pesados" na Comisión Permanente (máximo órgano da Executiva): Carlos López Font (concelleiro de Vigo da máxima confianza de Abel Caballero); Laura Seara; Agustín Fernández Gallego (edil en Ourense); Marta Álvarez Santullano (concelleira en Compostela); a ex conselleira Carmen Gallego; Ricardo Varela; e Beatriz Sestayo.

• 'Pachi' Vázquez colle o temón do PSdeG