Vieiros

Vieiros de meu Perfil


Edición xeral

RSS de Edición xeral
Novo Goberno

"É un retorno ao pasado máis conservador", avalían desde o PSdeG

Na opinión dos socialistas a promesa de rexeneración democrática "deixou de ser unha prioridade para o PPdeG desde o momento en que rematou a campaña electoral".

Redacción - 09:00 20/04/2009

"O novo presidente da Xunta realiza con estes nomeamentos caso omiso ás incompatibilidades, o que nos obriga a lamentar que, como sospeitabamos, o concepto de ética esgrimido por Núñez Feijoo teña caducado o pasado 1 de marzo", valoraba este domingo o voceiro parlamentario do PSdeG, Xaquín Fernández Leiceaga.

Na opinión de Fernández Leiceaga, a composición do executivo representa o “retorno ao pasado máis conservador”. Di Leiceaga que o presidente da Xunta de Galicia “optou por recuperar os responsábeis dun executivo que quedou atrás” incumprindo así a súa promesa de contar cos mellores e de abrir o executivo á sociedade. "Lamentamos que este novo Goberno represente unha mínima apertura á sociedade”, sinalou, “e na nosa opinión evidencia que a rexeneración democrática xa non é unha prioridade para o PPdeG desde o momento en que rematou a campaña electoral”.


1/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: