Vieiros

Vieiros de meu Perfil


Edición xeral

RSS de Edición xeral
"Fin da era do segredo bancario"

Os membros do G-20 acordan un plan contra os paraísos fiscais

Alemaña e Francia queren máis regulamentación e Estados Unidos propón máis medidas de estímulo fiscal.

Redacción - 17:30 02/04/2009
Brown, Merkel e Sarkozy

Brown, Merkel e Sarkozy

O ministro de Economía do Reino Unido, Alistair Darling, anunciou esta quinta feira que os membros do G-20 chegaron a un acordo para atacar os paraísos fiscais. Segundo as súas palabras, esta medida levará á "fin da era do segredo bancario".

Darling amosouse convencido de que a xuntanza que está a ter lugar en Londres concluirá cun acordo global dada a "necesidade de unirse", e restou transcendencia ao posicionamento do eixo franco-alemán, que ameazara marchar se non había compromisos "concretos" en materia de regulamentación.

"Todo o mundo está de acordo na necesidade de contar cunha normativa máis dura, é niso é en que estamos traballando", subliñou o alto funcionario británico. No entanto, advertiu de que un sistema que garanta seguridade fronte a un colapso financeiro como o actual "non se arranxa nunha soa noite".

Neste senso, o goberno do Reino Unido mantense optimista malia as divisións existentes ao redor da aposta por novos estímulos fiscais propugnada por Estados Unidos fronte á contención pola que avogan a maioría dos países europeos, así como nas exixencias en materia de supervisión internacional.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: