Vieiros

Aproveitou o voceiro parlamentario do PSdeG, Xaquín Fernández Leiceaga, para destacar o "voto de confianza" outorgado polos deputados da oposición na xornada deste mércores. Referíase Fernández Leiceaga ao voto en branco concedido durante a elección da presidenta "a diferencia do acontecido hai catro anos", recordou.

Puntualizou o socialista que se trata dun exemplo da "man tendida" coa que o seu grupo espera conseguir que o Parlamento "siga manténdose na centralidade política" do país e que todas forzas parlamentarias "poidan desenvolver o seu labor nas mellores condicións". "Os que apoian o Goberno, apoiando o Goberno, e os que fan oposición, facendo oposición", subliñou.

Leiceaga asegurou que o grupo socialista "manterá a intensidade" da lexislatura anterior e anunciou unha oposición "seria, rigorosa, construtiva e responsábel". Doutra banda, afirmou que o labor do PSdeG responderá á defensa dos intereses dos cidadáns "desde unha óptica progresista e galeguista".