Vieiros

Vieiros de meu Perfil


Edición xeral

RSS de Edición xeral
víspera do 1 de abril

O PSdeG cédelle ao BNG un seu sitio na Mesa do Parlamento

Os nacionalistas estarán presentes no órgano da Cámara, tras chegar a un acordo cos socialistas, que se ha estender a outros órganos.

Redacción - 14:15 31/03/2009
Ricardo Varela sinalou que non vai haber ningunha contraprestación por parte do BNG na política estatal

Ricardo Varela sinalou que non vai haber ningunha contraprestación por parte do BNG na política estatal

PSdeG e BNG pecharon esta terza feira un "acordo político" que lle vai permitir aos nacionalistas contar cun seu membro na Mesa do Parlamento esta lexislatura, xa que os socialistas acordaron cederlles o posto de vicesecretario.

Ao terminar a xuntanza que mantiveron ámbalas dúas forzas políticas, tanto Ricardo Varela -que estará na mesa como vicepresidente segundo-; coma Carlos Aymerich -que será o voceiro do Grupo do BNG-, subliñaron que este pacto hase estender aínda a outros órganos, que se constitúen en función da representación parlamentaria, como por exemplo o Consello de Contas, ou o Consello da CRTVG, entre outros.

Así mesmo, ámbolos dous parlamentarios rexeitaron que o acordo leve aparellada algunha contrapartida noutras negociacións, e negaron que estea vinculado ao apoio dos dous deputados nacionalistas no Congreso español ao goberno de José Luis Rodríguez Zapatero.

A composición da Mesa do Parlamento nas vésperas do 1 de abril
Deste xeito, a VIII Lexislatura, que arranca esta cuarta feira, día 1 de abril, coa constitución da Cámara, o PPdeG contará con tres postos na Mesa -Pilar Rojo, como presidenta; Xosé Manuel Baltar, como vicepresidente primeiro; e Xosé Manuel Balseiro, como secretario-, por un cargo exercido polo PSdeG -o de vicepresidente segundo, que corresponderá a Ricardo Varela-; e outro polo BNG, cuxo representante aínda non se coñece, que será escollido esta cuarta feira, nunha xuntanza de mañá.

Anteriores:


4,33/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: