Vieiros

Vieiros de meu Perfil


Edición xeral

RSS de Edición xeral
ENTRE OS DÍAS 4 E 8

Corea do Norte lanzará o seu satélite a comezos de abril

Trátase do primeiro satélite espacial que lanza o goberno de Kim-jong-il, que semella ter todo preparado, malia a desconfianza dunha parte da comunidade internacional.

Redacción - 10:00 12/03/2009
O líder norcoreano Kim Jong Il

O líder norcoreano Kim Jong Il

As autoridades de Corea do Norte fixaron para comezos do vindeiro mes, concretamente entre os días 4 e 8 de, o lanzamento do seu primeiro satélite espacial, tal e como informa a axencia surcoreana Yonhap.

Este anuncio coincide coas declaracións no Congreso estadounidense do director da Intelixencia Nacional dese país, Dennis Blair, recoñecendo que todo apunta a que as Corea do Norte vai lanzar un satélite, tal e como afirman.

As declaracións de Blair contrastan coa tese defendida por algúns analistas segundo os que este lanzamento esconde detrás o ensaio co mísil de longo alcance Taepodong-2, con capacidade para alcanzar territorio canadense.

O goberno de Kim-jong-il leva tempo preparando o lanzamento deste satélite e, segundo informou a axencia norcoreana KCNA xa notificou o lanzamento a varias autoridades internacionais como a Organización da Aviación Civil Internacional ou a Organización Marítima Internacional, entre outras. O obxectivo desta notificación sería respectar "a navegación segura de avións e barcos".


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: