Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
GAÑOU EVA MARTÍNEZ SOUTO

Os Xogos do Eixo Atlántico xa teñen mascota

O debuxo dun polbo deportista foi o elixido polo xurado do concurso, entre os 800 traballos presentados polos escolares coruñeses.

Redacción - 13:30 16/03/2009
Debuxo do polbo elixido como mascota

Debuxo do polbo elixido como mascota

Os Xogos do Atlántico son unha competición que se celebra cada dous anos nunha sede itinerante dentro deste espazo lusófono. Este ano a competición celebrarase na Coruña e a concellaría de Deportes organizou un concurso de debuxo entre os escolares da cidade para elixir a mascota.

Eva Martínez Souto, do IES Paseo das Pontes, foi elixida a gañadora co seu debuxo dun polbo afeccionado ao deporte. Para a súa elección, o xurado valorou a orixinalidade e tamén o feito de que sexa un animal representativo de Galiza e de Portugal. Tamén foron premiados cun accésit os traballos presentados polas alumnas Irina Martínez Hermida, Mariana Carolina Castellano e Inés Fernández Borrallo.

Os Xogos do Atlántico cumprirán este verán a súa oitava edición, realizándose na cidade da Coruña durante a semana do 5 de xullo. Até esta cidade do norte do país agárdase que cheguen á volta de tres mil mozas e mozos procedentes das 34 circunscricións locais que compoñen o Eixo do Atlántico.


4,67/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: