Vieiros

Vieiros de meu Perfil


Edición xeral

RSS de Edición xeral
'Deu Mil a Brussel·les'

O BNG participa na marcha pola independencia de Cataluña en Bruxelas

Milleiros de cataláns, acompañados por cidadáns doutras nacións europeas, manifestáronse na capital da UE para pedir un estado propio.

Redacción - 14:25 07/03/2009
Ao fondo, unha 'ikurriña'

Ao fondo, unha 'ikurriña'

"Queremos mostrarlle ao mundo que en Cataluña existe un conflito, un conflito pacífico; temos dereito de nos autodeterminar, queremos ter a posibilidade de decidir o noso futuro, queremos votar".

Esta é parte do manifesto co que estaba previsto que concluíse a marcha que este sábado pola mañá reuniu en Bruxelas milleiros de persoas (entre 10 mil, segundo a organización, e uns tres mil, segundo a Policía) para pedir un referendo de autodeterminación, segundo informa Vilaweb.

'Catalonia, the next state in Europe' (Cataluña, o vindeiro estado de Europa) e 'We want a catalan state' (Queremos un estado catalán) eran os principais lemas da manifestación, na que se podían ver bandeiras catalás, europeas e doutras nacións sen estado como Galiza.

Os participantes exíxenlles aos partidos políticos que "dunha vez por todas, poñan a independencia como obxectivo nos seus programas electorais e a autodeterminación como prioridade na súa acción de goberno". O catedrático da UB e impulsor da manifestación dos Deu Mil a Brussel·les, Enric Canela, salientou o éxito da manifestación.

Entre os representantes políticos destacan varios deputados e membros do Govern de ERC e CDC, así como doutras formacións europeas: o Scottish National Party (Escocia), o Sinn Féin (Irlanda), o Plaid Cymru (Gales) e Eusko Alkartasuna (Euskadi) sumáronse á convocatoria. Ana Miranda, en representación do BNG e da Alianza Libre Europea (ALE), tamén participou na marcha.

Non inxerencia, di Hillary Clinton
A eurodeputada galesa Jill Evans preguntoulle este venres á secretaria de Estado norteamericana, Hillary Clinton, que estes días mantén diversas xuntanzas en Bruxelas, se os EUA apoiarían as nacións sen estado, "como Cataluña, Gales e Escocia", que quixesen declarar a independencia. Clinton respondeu que evitarían calquera inxerencia nos asuntos internos doutros estados.


5/5 (21 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: