Vieiros

Tal e como acontecera nas eleccións autonómicas de 2005, os Espazos Radiofónicos Galegos en Catalunya (ERGaC) farán un programa especial das eleccións galegas na emisora Sants3Ràdio (103.2 FM de Barcelona). O programa dará comezo o domingo 1 de marzo ás 19.30 h e finalizará sobre as 22.30h, cando se esperan ter resultados case definitivos (á espera do escrutinio do CERA).

Desta vez informarase tamén e paralelamente do resultado das eleccións no País Vasco. O programa será conducido por locutores de ERGaC e contará coa participación de correspondentes en Galiza (e no País Vasco), así como entrevistas a representantes políticos e dos medios de comunicación de Galiza, Euskadi e Catalunya.