Vieiros

Mariano Rajoy intenta tapar as numerosas vías de auga que se lle están a abrir nos últimos días. Acompañado dos principais dirixentes da dereita española, o político pontevedrés deixou entrever a existencia dunha suposta “man negra” detrás dos escándalos de corrupción que están a poñer contra as cordas aos conservadores. Rajoy fixo fincapé na coincidencia de toda a polémica coas eleccións galegas e vascas e coa forte crise económica.

Por se fose pouco, a polémica aumenta logo de que se soubese que o ministro de Xustiza, Mariano Fernández Bermejo, e o xuíz Baltasar Garzón coincidiron nunha cacería esta fin de semana. Rajoy considera que “é un acto obsceno”. Dende o PP solicitan que isto sexa causa suficiente para recusar ao maxistrado e que se investigue o ministro por esta xuntanza.