Vieiros

Foi no acto de comezo das escavacións dos túneles de acceso norte a Vigo do Eixo Atlántico de Alta Velocidade, en Redondela. A vicepresidenta do goberno español, María Teresa Fernández de la Vega, anunciou que será o Estado quen asuma integramente o custe da ampliación da circunvalación de Santiago, ao que adicará unha inversión de 88 millóns de euros. Ao tempo, anunciou que o executivo tamén destinará outros 30 millóns ao inicio dos traballos de ampliación da AP-9 no acceso a Coruña e a Vigo, concretamente na zona da ponte de Rande.

Asemade, aproveitou a ocasión para asegurar que o seu goberno está "plenamente comprometido" coa mellora da mobilidade en Galiza, reiterou que a Alta Velocidade será unha realidade en 2012 e enfatizou o "compromiso" do executivo coa "ampliación da Autoestrada do Atlántico.