Vieiros

Vieiros de meu Perfil


Fwwwrando

RSS de Fwwwrando
DEREITOS NA INTERNET

Tailandia crea unha web para denunciar as actividades "antimonárquicas"

Asemade, o goberno constituíu unha axencia para bloquear as webs ofensivas contra o rei. Nun día pechou case cinco mil.

Redacción - 11:00 07/02/2009
Portada da web

Portada da web

O goberno de Tailandia puxo en marcha unha web especial na que convida o pobo a informar de quen critique a monarquía. Ademais, estabeleceu un centro para bloquear as páxinas ofensivas contra a monarquía. Nun día, prohibiu preto de cinco mil.

Anteriormente, o Ministerio de Información tailandés bloqueara varios miles de webs. Ese traballo estase a acelerar co novo grupo. O novo goberno de Tailandia marcouse o obxectivo de protexer a imaxe da monarquía como unha das súas principais prioridades, segundo informa a BBC.

Os internautas están chamados a amosarlle a súa lealdade ao lei contribuíndo a protecttheking.net, impulsada por un comité parlamentario. Na portada da páxina descríbese como un medio para que o pobo tailandés amose o seu apoio ao monarca protexéndoo do que considera "malentendidos" contra el. Iso supón que toda a cidadanía informe de calquera que crea que insultou ou criticou a monarquía.


1/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: