Vieiros

Á vangarda do desembarco, este luns por Vigo, colocou o goberno de José Luis Rodríguez Zapatero a ministra de Ciencia e Innovación, Cristina Garmendia, que inaugurou o Foro I+D+i nos espazos europeos.

Tras dela, un día despois, a artillaría pesada do gabinete do presidente español: Os titulares de Defensa, Cultura, Sanidade, Fomento e Medio Rural e Mariño participarán en varios actos en distintos puntos do noso país.

O responsábel do departamento de Sanidade, Bernat Soria, reúnese de mañá en Compostela coa súa homóloga galega, a conselleira María Xosé Louro. Carme Chacón, de Defensa e César Antonio Molina, de Cultura, asinan ao mediodía un acordo de adquisición por parte deste último ministerio do antigo Goberno Militar, na Coruña.

Pola tarde, en Lugo, a ministra de Medio Ambiente e Medio Rural, Elena Espinosa, presentará o proxecto de acondicionamento do río Eo e a titular de Fomento, Magdalena Álvarez, dará a coñecer o vello proxecto da nova ponte sobre o río Miño, tamén en Lugo.

• Actualidade electoral do luns: