Vieiros

Vieiros de meu Perfil


Fwwwrando

RSS de Fwwwrando
NOVA TECNOLOXÍA

Prometen internet a 100 xigas por segundo

A compañía Ciena anuncia que a técnica que permitirá esta velocidade xa se poderá comercializar no ano 2011.

Redacción - 12:35 28/01/2009

Unha empresa estadounidense acaba de desenvolver unha tecnoloxía de fibra óptica que permitirá multiplicar por 10 a velocidade máxima de transmisión de datos na internet. Ciena asegura que se poden acadar até 100 xigabits por segundo. A nova técnica podería estar implantada no mercado a mediados de 2011.

Segundo a compañía, en 12 horas poderíase transmitir a información de 125 mil DVD ou os contidos completos da Biblioteca do Congreso dos EUA. Ademais, o incremento da capacidade das liñas contribuiría a evitar que a rede se sature, debido ao aumento constante do volume de descargas, con contidos como o vídeo de alta definición, a popularización das redes sociais e o intercambio de arquivos.

Outro efecto positivo da nova tecnoloxía será o abaratamento das conexións, pois calcúlase que a transmisión de información a máis velocidade fará que o bit por segundo custe un 30% menos que até agora.


4.8/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: