Vieiros

Vieiros de meu Perfil


Edición xeral

RSS de Edición xeral
85 CABODANO

Mozos rusos vestidos de momias piden que se enterre a Lenin

Un grupo dunhas 50 persoas, autodefinido como "monárquico ortodoxo" pediu diante do mausoleo unha "modesta tumba" en San Petersburgo.

Redacción - 17:15 24/01/2009
Cadáver de Lenin

Cadáver de Lenin

Un grupo de xente nova xuntouse perante o mausoleo de Lenin, na Praza Roxa de Moscova para pedir que se enterren os restos do líder bolxevique, cando se fan 85 anos da súa morte. A convocatoria, á que asistiron unhas 50 persoas disfrazadas de momias, fíxose a través da internet, no que se coñece como flashmob.

Os organizadores, que ademais levaron pequenos cadaleitos co nome de Lenin, defínense como monárquicos ortodoxos e pretendían mesturarse coa manifestación comunista que organizou un desfile e unha ofrenda floral perante o antigo líder.

O grupo pretende que Lenin sexa sepultado nunha modesta tumba no cemiterio de San Petersburgo, onde "hai espacio abondo para que os comunistas honren a súa memoria tranquilamente". Consideran que o mausoleo vai contra as ideas de Lenin, que "sempre preferiu a sinxeleza ao luxo faraónico", que supón unha "profanación do seu corpo, doutrina e ideais".

Segundo as últimas enquisas, dúas de cada tres persoas rusas están a favor de enterrar a momia de Lenin, fronte a un 25% que prefire deixala no mausoleo.


3.4/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: