Vieiros

Vieiros de meu Perfil


Fwwwrando

RSS de Fwwwrando
DÉCIMO ANIVERSARIO

Conta atrás para Xuventude Galiza Net

A edición de 2009 do encontro informático será no Multiusos do Sar, en Compostela, e contará con máis capacidade e un límite de idade máis amplo.

Redacción - 13:00 05/01/2009
A edición de 2008 tivo lugar no Pazo de Congresos compostelán

A edición de 2008 tivo lugar no Pazo de Congresos compostelán

O encontro informático Xuventude Galiza Net chega este ano á súa décima edición. O evento organizado pola Dirección Xeral de Xuventude e Solidariedade chega con moitas novidades, tal e como se anunciara na pasada convocatoria.

Segundo se informa na web oficial, Xuventude Galiza Net 09 terá lugar do 3 ao 5 de abril no Multiusos Fontes do Sar, en Compostela, o que permitirá contar cunha capacidade moi superior á das edicións anteriores. Isto tamén permitirá que se amplíe o límite de idade: poderán asistir persoas de 16 a 35 anos.

As persoas que se rexistraron na web para XGN08, aínda que non obtivesen praza, teñen sitio asegurado para o décimo aniversario. Só teñen que activar a súa conta e facer o pagamento antes do 31 de xaneiro. O resto da xente pode efectuar a preinscrición como até agora.


4.67/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: