Vieiros

Vieiros de meu Perfil


Edición xeral

RSS de Edición xeral
Sae a Francia de Sarkozy

A euroescéptica Chequia asume a Presidencia da UE

Entre outras cuestións, terá que facer fronte a unha máis que probábel crise con Rusia por causa do subministro de gas, no que vai ser primeiro conflito do ano.

Redacción - 09:30 03/01/2009

A República Checa asumiu esta quinta feira a Presidencia de quenda da UE. Cédelle o temón Francia, que tivo un mandato caracterizado polo personalismo do seu xefe de estado, o omnipresente Nicolás Sarkozy.

A sucesión non se presenta fácil para o primeiro ministro liberal, Mirek Topolanek, xa que a súa imaxe asóciase en Bruxelas ás posicións euroescépticas do presidente, Vaclav Klaus, e ao feito de que Sarkozy amplificou estes últimos seis meses a dimensión do cargo.

Chequia terá que afrontar esta situación, en plena crise económica e institucional, co dobre hándicap de non pertencer á zona euro e de non se pronunciar aínda sobre o Tratado de Lisboa.

Crise do gas: Rusia-Ucraína, primeiro conflito do ano
Mais o que parece vai ser o primeiro conflito do ano, é o que máis inqueda no seo do goberno. Rusia ameaza dende hai tempo con que o 1 de xaneiro suspendería o subministro de gas a Ucraína se Kiev non paga "até o último rublo" da súa débeda con Gazprom, arredor de 1.400 millóns de euros.

A compañía advertiulles aos seus clientes europeos que se poderían ver afectados por este enfrontamento. De feito, a seguridade enerxética figura na axenda do encontro informal dos ministros de Exteriores dos 27, o 8 de xaneiro en Praga, un día despois da gran velada de inauguración.


4/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: