Vieiros

Vieiros de meu Perfil


Euskadi

Edición xestionada por Vieiros
RSS de Euskadi
Eleccións 2009 en Euskadi

O Euskobarómetro prognostica un empate a escanos entre PNV e PSE

Vantaxe en votos para o PNV, malia que a repartición de deputados podería igualalos no parlamento co PSE. A enquisa agoira unha forte caída de EA.

Redacción - 12:45 26/12/2008

O informe do Euskobarómetro da Universidade do País Vasco que acaba de ser publicado prognostica a vitoria do PNV nas vindeiras eleccións vascas. A formación liderada por Juan José Ibarretxe chegaría ao 34% dos votos, arredor de 400 mil apoios, por riba do 32% no que se situaría o PSE, uns 350 mil votos. Con todo, a repartición de escanos entre cada unha das tres circunscricións levaría a un posíbel empate en canto a representación parlamentaria. Así, con esas cifras o PNV móvese nun abano de 26-28 escanos e os socialistas nun 25-27.

Na actualidade o PNV conta con 29, dos cales 7 correspóndenlle a Eusko Alkartasuna, formación coa que acudiu en coalición na anterior cita coas urnas. Precisamente, a aposta de EA por acudir desta vez en solitario aos comicios outorgaríalle unha representación de apenas un par de escanos. Mentres, o PSE acadaría un ascenso considerábel desde os actuais 18 representantes cos que conta na Cámara vasca.

O Euskobarómetro tamén prevé que o PP manteña a terceira posición, cun 16% de apoios, e a posíbel perda de até dous dos seus actuais 15 escanos. IU-EB, cun 4% do voto, quedaría con tres deputados. Aralar, cun 3% de votos, mantería un escano en Guipúscoa. O Euskobarómetro tamén calculou o espazo electoral que obtería a esquerda abertzale de poder acudir ás urnas baixo algunha das siglas agora ilegalizadas: serían arredor de 100 mil apoios, o 7% do total.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: