Vieiros

Vieiros de meu Perfil


Edición xeral

RSS de Edición xeral
Eleccións lexislativas

A oposición triunfa nas urnas en Romanía

Elevada abstención nos primeiros comicios no país desde que é membro da Unión Europea, de onde sae vencedora a coalición de socialdemócratas e conservadores.

Redacción - 09:00 01/12/2008
Votando

Votando

Algo máis do 36% dos votos conseguiu en Romanía a alianza do Partido Socialdemócrata e o Partido Conservador. Unha xornada de votación marcada pola alta abstención, xa que algo menos do 40% dos electores tería acudido ás urnas.

Como derrotados da xornada electoral aparecen o Partido Demócrata Liberal, da corda do actual presidente Basescu, e o Partido Liberal Nacional, do primeiro ministro Calin Popescu. Así, o líder do PSD, Mircea Geoana, xa se postulou para tomar o mando do próximo goberno, argumentando o maioritario apoio electoral. Con todo, non sería descartábel un entendemento de PDL e PNL que xuntos suman máis do 50% do apoio electoral.


3/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: