Vieiros

Vieiros de meu Perfil


Fwwwrando

RSS de Fwwwrando
SEGUNDO UN INFORME

Galiza ten as conexións de banda larga máis caras da OCDE

O blogueiro Calidonia compara nun gráfico o proporcionalmente desmedido que sae o custo de se conectar a internet no rural do país.

Redacción - 09:00 26/11/2008

Segundo os datos tirados do informe eEspaña 2007 da Fundación Orange, o rural galego ten as conexións á internet máis caras de toda a OCDE. O blogueiro Calidonia extrapolou os datos en dólares internacionais e chegou á conclusión de que a posición da Galiza rural é francamente mellorábel.

Para efectuar a comparación, Calidonia tivo en conta a habitual conexión rural de 512 kbps por 29,90 euros, que sitúa unha ampla área do país na cola da clasificación. A moita distancia, xusto por riba, sitúase México, que é o único membro da OCDE ao que supera o Estado Español, que é antepenúltimo.

No outro extremo están os países máis avanzados no que se refire a conexións á internet: Xapón, Suecia, Corea do Sur, Finlandia e Francia, onde resulta máis barato contar cunha banda moito máis larga ca a de aquí.

Na súa reflexión, Calidonia relaciona o atraso da banda larga no país coa existencia de canons, sociedades de autores e a inoperancia dos ministros galegos en Madrid.


5/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: