Vieiros

Vieiros de meu Perfil


Euskadi

Edición xestionada por Vieiros
RSS de Euskadi
Tras oito anos de coalición

Eusko Alkartasuna decide concorrer en solitario ás vindeiras eleccións autonómicas

En anteriores comicios foron en candidatura conxunta co PNV. En abril de 2009 terán unha propia. Unai Ziarreta será, previsibelmente, o candidato a lehendakari.

Redacción - 10:40 11/11/2008
O, presumibelmente, candidato a lehendakari de EA, Unai Ziarreta

O, presumibelmente, candidato a lehendakari de EA, Unai Ziarreta

Eusko Alkartasuna (EA) vai concorrer en solitario ás vindeiras eleccións vascas. A executiva nacional do partido, reunida esta segunda feira en Gasteiz, tomou a decisión final, a proposta do seu presidente, Unai Ziarreta.

É previsíbel que o candidato a lehendakari sexa o mesmo Ziarreta, que a última hora da tarde lle comunicou persoalmente a decisión do partido ao presidente do PNV, Iñigo Urkullu. Ao parecer, foron as bases do partido as que empurraron a executiva nacional a adoptar este acordo, ao ver inviábel unha coalición co PNV pola súa falta de claridade soberanista.

A historia electoral do partido
Dende 1998, cando obtivo seis escanos e 108 mil votos, o 8,6% do total, EA non se presentaba en solitario ás eleccións autonómicas. Naquela altura, o seu candidato a lehendakari foi Carlos Garaikoetxea.

Nos seguintes comicios vascos, en 2001, EA foi en coalición co PNV, e apoiou a Ibarretxe como o seu candidato a lehendakari, ademais de facer parte do goberno en coalición. Nos últimos comicios vascos, en 2005, a coalición PNV-EA obtivo 29 escanos, dos que sete correspondían aos parlamentarios de EA, e 22 ao PNV, un dos motivos, este, da fricción dos últimos anos, ao considerar o PNV que EA estaba sobre-representada na coalición.

Para máis información:


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: