Vieiros

O Aldasa Amfiv revalidou o título acadado fai un ano, ao vencer na final da XXIII edición da Copa Galiza de baloncesto en cadeira de rodas, impoñéndose cun claro 51 - 26 ao Basketmi ferrolán. Os de Vigo marcaron un alto ritmo dende o comezo do partido, e xa no primeiro cuarto acadaron unha renda de 14 - 4. A partires de ese momento adicáronse a xestionar esta vantaxe, que mesmo foron aumentando co paso dos minutos. O encontro tivo lugar no pavillón municipal de Tui, no mediodía do pasado domingo.

Por parte dos vigueses destacaron Lorenzo Envó e Lalo, que sumaron 14 e 12 puntos respectivamente. Nos ferrolás os rexistros anotadores estiveron máis repartidos. Romero e Tesouro tiveron a honra de ser os máximos anotadores do seu equipo, con cinco puntos cada un.