Vieiros

Vieiros de meu Perfil


Edición xeral

RSS de Edición xeral
ACCIDENTE DE TRÁFICO

Morre o ultradereitista austríaco Jörg Haider

O seu partido, BZÖ, que acadou o 11% dos votos nas pasadas eleccións, fica nunha difícil situación.

Redacción / EP - 09:50 11/10/2008

O líder ultradereitista austríaco Jörg Haider, da Alianza polo Futuro de Austria (BZÖ), morreu a noite do venres dun accidente de tráfico. Haider fora o principal representante do ascenso da extrema dereita no país centroeuropeo durante os anos 90.

O político, de 58 anos, apareceu dentro do vehículo con feridas graves na cabeza e no tórax. Haider viaxaba só no coche e as causas concretas do accidente aínda están pendentes de investigación. Só se sabe que tiña previsto asistir ao 90 aniversario da súa nai.

A situación dentro do partido que fundou é agora complicada. En declaracións á BBC, o seu número dous, Stefan Petzner, asegurou: "Para nós é a fin do mundo".

Haider acadou notoriedade a principios dos 90, ao mando do seu anterior partido, o FPÖ (Partido Liberal), co que se converteu en gobernador de Carintia, onde se produciu a súa morte. No seu cargo gabou as políticas de emprego do partido Nazi.

No ano 2005, fundou o BZÖ, que nas últimas eleccións parlamentarias, que tiveron lugar en setembro, obtivo o seu mellor resultado, cun 10,7% dos votos e 21 escanos.


4,43/5 (7 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: